“ ညီမင်း....... ဒီဆိုင်က ရှမ်းအစားအစာ အကောင်းဆုံးနော်။ မင်းတခါစားဖူးရုံနဲ့ မင်းထပ်မစားဘဲ မနေနိုင် ဖြစ်သွားမယ်။ ”
“ကိုကြီးဖိုးဇော်တို့ကတော့ မြှောက်တယ်ဟေ့...... များများထည့်ပေးမှာပါ ”
ဖွေးဆိုသည့် ကောင်မလေး အစားအစာများကို ကျွန်တော်သို့ စားပွဲပေါ်မှာ ချပေးပါတယ်။
ဖိုးဇော်ပြောလည်း ပြောစရာပါဘဲ အစားတွေက အလွန်မှ ကောင်းပါတယ်။ သို့သော်လည်း ဖိုးဇော် ကျွန်တော်ကို စမည်ဆိုးလို့ ဒီတိုင်းသား တိတ်တိတ်လေး စားနေမိတယ်။ ဒါတောင်မှ ဖိုးဇော်က ငြိမ်ငြိမ်မနေ။
“ညီမင်း...... မင်းစကားလေးဘာလေးပြောအုံး၊ ငါပြောတာ မှန်တယ်မလား။ အစားအစာကလည်းကောင်း၊ ရှမ်းမလေးကလည်းချောတော့ မင်းပြန်နိုင်မှာ မဟုတ်တော့ဘူး။ ငါသိနေတယ်.........................”
ဖိုးဇော်စကားကြောင့် ကျွန်တော်မှာ ဖွေးကိုအားနာလွန်းလို့ မျက်နှာတောင်မကြည့်ရဲပါ။ ဒါပေမယ့် ဖွေးကတော့ သူ့အလုပ်ကိုသာ အာရုံစိုက်နေလို့ ကြားမည်မထင်။ ဖိုးဇော်ကတော့ ရယ်ကျဲကျဲ။
ကျွန်တော် ဒီတောင်ပေါ်ဒေသလေးကို ရောက်လာသည်မှာ အခုဆို လေးရက်မြောက်နေ့။ ဖွေးတို့ ဆိုင်ကို ကျွန်တော် နှစ်ကြိမ်ရောက်ပြီ။
ဖိုးဇော်ပြောသလိုဘဲ “ ဒီခေါက်ဆွဲကောင်းလွန်းလို့ စားတာလား။ ဆိုင်ရှင်လေး ချောလွန်းလို့ သွားတာလား ” ကျွန်တော်မသိပါ။
သေချာတာတစ်ခုကတော့ ကျွန်တော် ဖွေးကို မြင်ချင်ပါတယ်။
ကျွန်တော် အလုပ်ကိစ္စ မပြီးပြတ်သေးတာနဲ့ ကျွန်တော် တပတ်လောက်ကြာနေပီ။ ဖွေးနဲ့လည်း တော်တော် ရင်းနှီးနေပြီ။ မရင်းနှီးသေးတာ တစ်ခုကတော့ အေးလွန်းလှတဲ့ ဒီရာသီဥတု ပါဘဲ။ ကျွန်တော် ဒီအအေးဒဏ် ကို မခံနိုင်ပါ။
အေးလွန်းလို့လား မသိပါ။ ကျွန်တော့် အသားတွေ ခြောက်သွေ့ပြီး နှုတ်ခမ်းတွေက ကွဲလို့။
ဖွေးကတော့ အသားလေး ဖြူဖြူနဲ့ ပါးလေးကတော့ အမြဲနီနေပါတယ်။ ဒါကလည်း တောင်ပေါ်သူလေးတွေရဲ့ အအေးဒဏ်ထဲက အလှတစ်ခုထင်ပါရဲ့။
ကျွန်တော် အလုပ်တွေပြီးလို့ ပြန်ရမယ့်အချိန်မှာတော့ ရင်ထဲမှာ ဟာတာတာ ဖြစ်နေပါတယ်။
ဖိုးဇော်ကတော့ “ မင်း................ ဖွေးကို ချစ်မိနေပြီထင်တယ်။ ချစ်မိရင်လည်း ဖွင့်ပြောလိုက်ကွာ။ ပြီးရင် သူ မင်းဆီမှာ လိုက်နေနိုင်အောင် ကြိုးစား။ ဒါမှမဟုတ်...... မင်း.........ဒီမှာ လာနေနိုင်အောင် ကြိုးစားပေ့ါကွာ ”
ဖိုးဇော်စကားကြောင့် ကျွန်တော် စဉ်းစားမိသည်က ကျွန်တော်.............. ဖွေးကို ချစ်သော်လည်း ဒီလို့ အေးလွန်းလှတဲ့ ရာသီဥတုမှာ ကျွန်တော် နေနိုင်မည်မထင်။ ဒါဆို ဖွေး.....ကကော ကျွန်တော့်တို့ မြို့ မှာ လိုက်နေနိုင်ပါ့မလား။
ကျွန်တော်....... ပြန်မယ့်မနက်မှာတော့ ကျွန်တော်................ ဖွေးဆီကို ရောက်ခဲ့ပါတယ်။
ဖွေးက ကျွန်တော်ကို မြင်တာနဲ့ “ ကိုညီမင်း.............. ဒီနေ့လယ် ပြန်တော့မယ်ဆို။ အလုပ်တွေပြီးပြီလား ။ ဖွေးတို့တော့ လွမ်းပြီး ကျန်ခဲ့တော့မှာဘဲ ” ဆိုပြီး ကျွန်တော်ကို ပြုံးရွှင်ရွှင်နဲ့ စနေပါတယ်။
ကျွန်တော်မှာတော့ ဖွေး...... ဒီလိုစတာကိုတောင် စိတ်တိုမိတယ်။ င့ါဘက်က ... သူ့ကို လေးလေးနက်နက် စဉ်းစားတာတောင် သူက ငါကို စနိုင်သေးတယ်ပေ့ါ။ တကယ်တော့ ကျွန်တော် တစ်ယောက်ထဲ ဖြစ်နေတာပါ။ ဒါကို ဖွေးတောင် သိမယ့်မထင်။
ကျွန်တော်................. ဖွေးဆီကို အလည်နောက်တခေါက် လာအုံးမှာပါ ဖွေး....................................
ကျွန်တော် ပြောလိုက်တော့ ဖွေးက ကျွန်တော်ကိုကြည့်ပြီး “ အလည်ဘဲလား။ အပြီးလာနေမှာ မဟုတ်ဘူးလား”လို့ စပြန်တယ်။
ကျွန်တော် စိတ်တိုတိုနဲ့ ဒီမှာ.... ဖွေး...... ကျွန်တော်က ဖွေး စစရာထင်နေလား။
ဖွေးကတော့ ကျွန်တော် တကယ်စိတ်တိုနေမှန်းသိသွားပြီ ထင်ပါရဲ့။
မဟုတ်ပါဘူး.............. ကိုညီမင်းရယ်။ ဖွေးက ဒီတိုင်းဘဲ ပြောလိုက်တာပါ။ တောင်းပန်ပါတယ်။ ကိုညီမင်း မကြိုက်ရင် မစတော့ပါဘူး။ “
ဖွေး မျက်နှာငယ်လေးနဲ့ ပြောတော့လည်း ကျွန်တော်.......................... ဖွေးကို ကြည့်ပြီး “ ဖွေး.......... ကျွန်တော်.................. ဖွေးကို အရမ်းချစ်တယ်” လို့ ပြောလိုက်မိတယ်။
ဖွေးကတော့.................. ကျွန်တော်ကို ချယ်ရီပန်းလေး တစ်ခက်ကို ပေးပါတယ်။
ပြီးတော့ “ ကိုညီမင်း............ ဖွေးတို့............ ဒီတောင်ပေါ်ဒေသလေးမှာ လာနေနိုင်လို့လား။ ဖွေးကတော့ ..... ကိုညီမင်းတို့ မြို့မှာ လိုက်မနေနိုင်ပါဘူးတဲ့။ ပြီးတော့ ဖွေး............... တော၊တောင်တွေကို ချစ်တယ်။ မခွဲနိုင်ဘူး။ ကိုညီမင်း ............. ဒီမှာ နေနိုင်တယ်ဆိုရင်တော့............. ချယ်ရီပွင့်ချိန်............... ဒီဇင်ဘာလ...ဒီရာသီပေ့ါ.......... နောက်နှစ်မှာ ဖွေးကို လာရောက် တောင်းရမ်းယူနိုင်ပါတယ်။ ”
ကဲ့ ဖွေး......... အဖြေကတော့ ရှင်းနေပြီ။ ကျွန်တော် စဉ်းစားဖို့ဘဲလိုတယ်။
ကျွန်တော် တောင်ပေါ်ဒေသက ပြန်လာတော့လည်း ကျွန်တော်စဉ်းစားပါတယ်။ ဒါပေမယ့်................. ကျွန်တော် စဉ်းစားပြီး ရလာတဲ့အဖြေကတော့ ကျွန်တော် အအေးဒဏ်ကို မခံစားနိုင်ဘူး။ နောက်တစ်ခုက ကျွန်တော် တတ်ထားတဲ့ ပညာကို စွန့်ပြီး သစ်ပင်တွေကြားမှာ မရှင်သန်ခြင်းဘူး။ ဒီတော့............. ကျွန်တော် ဖွေးနဲ့ တောင်တန်းတွေ ခြားနေတယ်ပေ့ါ။
ဒါပေမယ့် ................... ကျွန်တော် ............. ဒီဇင်ဘာလ ...........ချယ်ရီပွင့်ချိန်ရောက်တိုင်း............ ကျွန်တော် တမ်းတမ်းတတရှိခဲ့ပါတယ်။
No comments:
Post a Comment