” သမီးရေ .....ဒီမှာ.... သမီးလျှောက်ထားတဲ့ အလုပ်က အင်တာဗျူးခေါ်တယ်..... မနက်ဖြန်.... မနက် 9 နာရီအရောက်တဲ့.... ”
အင်း..... အင်တာဗျူး သွားရမယ်ဆိုတော့ ....ဘာတွေများ ...လိုအုံးမလည်း....အ၀တ်အစားတော့ စမတ်ဖြစ်ဖို့ လိုမယ်.....အင်း.... စတီးဖီးလ်ကိတ်တွေတော့ ထည့်သွားရအုံးမယ်......။ အလုပ်ရပါစေလို့လည်း ဘုရားမှာ ဆုတောင်းရအုံးမှာပေ့ါ.....
အခုခေတ်က အလုပ်တနေရာရဖို့ဆိုတာ လွယ်တာမှ မဟုတ်တာ..... အလုပ်လျှောက်ထားတဲ့နေရာတွေကလည်း...အများကြီး.... မနက်ဖြန် အင်တာဗျူးတော့ ငါ့ဘွဲ့လေးနဲ့....ငါ့တတ်ထားတဲ့ ပညာလေးနဲ့တော့ အဆင်ပြေမယ်....ထင်ပါတယ်လေ။
မနက်ရောက်တော့......မေမေက “ သမီး.... ထတော့....အင်တာဗျူးမသွားခင် ...ဘုရားလေးဘာလေး ရှိခိုးသွားအုံး..... နောက်ပြီး.. ကိုယ်ဘက်က စောစောရောက်အောင်... ကြိုသွားရ မယ်လေ ....အင်တာဗျူးခေါ်တဲ့နေရာက ဝေးတယ်ဆို.....အိမ်ကနေဆို ၂ နာရီလောက် ဆိုင်ကယ်မောင်းရအုံးမယ် မလား...ထတော့... ”
မေမေရဲ့ နှိုးဆော်မှုကြောင့် အိပ်ယာမှ ကမန်းကတမ်းထပြီး မျက်နှာသစ်ကာ ဘုရားရှိခိုး... ပြင်ဆင်စရာရှိတာပြင်ပြီး ဆိုင်ကယ် မောင်း ထွက်လာခဲ့ပါတယ်။ ဆိုင်ကယ်မောင်းနေတုန်းလဲ အစစအရာအရာ အဆင်ပြေပါစေလို့.. တချိန်လုံး ဆုတောင်းလာခဲ့ရတယ်။
အင်တာဗျူးမယ့်နေရာလဲ ရောက်ရော....ကိုယ်ကဘဲ စောလှပြီထင်တာ....ကိုယ့်ထက် ၀ီရိယကောင်းတဲ့လူတွေက များလိုက်တာ.... အေးပေ့ါလေ... အလုပ်တခုရဖို့ဆိုတာ လွယ်တာမှမဟုတ်တာ.....အင်တာဗျူးလေး ပါဖို့အရေးကို ဆုတောင်းလိုက်ရတာအမော....
အခုလည်း...ဒီအလုပ်က လူ (၃၀)ဘဲ ခေါ်မှာတဲ့... လျှောက်လွှာက ဘယ်လောက်ရှိလဲလို့ မေးလိုက်တော့.... စာရေးမလေးက ညီမလေး လျှောက်လွှာအမှတ်စဉ်က 2000 ကျော်တယ်တဲ့.......
အမယ်လေး လူ 2000 ကျော်မှာ ခေါ်မှာက (၃၀) ရပါ့မလား....ဒီလောက်များလှတဲ့လူတွေကြားထဲမှာ....အေးပေ့ါလေ...ကံပေ့ါ...
ခဏနေတော့ လျှောက်လွှာတွေ ခေါ်ပါပြီ.... အမှတ်စဉ်အလိုက်... တယောက်ပြီး..တယောက် ခေါ်သွားလိုက်တာ....
တယောက်အင်တာဗျူးပြီး အခန်းထဲက ထွက်လာရင် ကျန်တဲ့လူတွေက “ ဘာမေးလဲ... ဘာတွေ လေ့လာရမလဲ...ဆိုတဲ့ မျှော်လင့်ချက်လေးတွေနဲ့ အခန်းထဲက ထွက်လာတဲ့လူမှန်သမျှ လိုက်မေးနေရတာ....အမော ”
ဒီလိုနဲ့ ကိုယ့်အလှည့်လဲ ပြီးသွားရော... နည်းနည်းတော့ စိတ်ပင်ပမ်းတာ သက်သာသွားတာပေ့ါ...ဒါပေမယ့် ...မပြန်ဖြစ်သေးပါဘူး... သူငယ်ချင်းတွေကို စောင့်နေတာပေ့ါ....
အဲ့အချိန်မှာဘဲ..ကိုယ်ထိုင်နေတဲ့ ခုံရဲ့ဘေးနားမှာ ကောင်မလေး တစ်အုပ်က... လျှောက်လွှာခေါ်နေသော အကိုကြီးဆီသွားပြီး.. “ အကိုကြီး.. သမီးတို့ကို အန်တီမြက ခေါ်ထားတာနော်..... သမီးတို့စောင့်နေတာကြာပြီ......အခုထိလည်း အင်တာဗျူးမခေါ် သေးဘူးနော်.... ဖေဖေကတော့ မှာလိုက်တယ်...အဆင်ပြေမှာပါတဲ့..ဟုတ်လား... အကိုကြီး....”
ကျမလည်း သူတို့ဘာဆက်ပြောမလဲ နားထောင်နေလိုက်တော့...လျှောက်လွှာခေါ်နေတဲ့ အကိုကြီးက...ဟိုကြည့်..ဒီကြည့်နဲ့... အသံကို တိုးပြီး.. အဲ့ကောင်မလေးတွေကို.. ပြောလိုက်ပါတယ်...“ သမီးတို့က အလုပ်ရပီးတာတွေ့လေ....အင်တာဗျူးဖို့မလိုဘူး... ဘာအရည်အချင်းမှလဲ မလိုဘူး..... အသိရှိတယ်လေ.....သမီးတို့အုပ်စုက ဘယ်နယောက်လဲ... ဟုတ်လား... (၁၀)ယောက်နော်.. အန်တီမြရဲ့ တူမတွေနော်...အန်တီမြ..ပြောထားတယ်......ဟိုဘက်မှာ သွားထိုင်နေ...ညီမလေး... နေပူတယ်.... အကိုကြီးတို့သိတယ်... ဟုတ်ပြီလား....”
ကဲ့...ကြည့်ကြပါအုံး....အစကတော့...စိတ်တိုလိုက်တာ.....ဟုတ်တယ်လေ.....သူတို့ဆီမှာ ခန့်ဖို့လျာထားပြီးသား လူရှိပြီးသားကို...သူများတွေကို ဘာကိစ္စနဲ့ လျှောက်လွှာခေါ်နေသေးလဲ...လျှောက်လွှာကလည်း အလကားရတာမဟုတ်... တစောင်ကို (၅၀၀)....ခေါ်မှာက (၃၀)...သူတို့လူက အခုကျမ ကြားမိတာတောင် (၁၀)ရှိပြီ...နောက်ကျမ မကြားမိလိုက်သေးတဲ့ သူတို့လူတွေဘဲ ရှိနေအုံးမှာပါ.....
ဒါများ....လျှောက်လွှာခေါ်တုန်းက ဘာနဲ့ဘွဲ့ရရမယ်၊ ဘာအရည်အချင်းရှိရမယ်...စုံနေတာပါဘဲ...အရည်အချင်းတွေက....
တကယ်အရည်အချင်းစစ်တဲ့ ၀င်လျှောက်တဲ့လူတွေကိုကျတော့ မရွေးချယ်ဘဲ သူတို့လူတွေကိုသာ ပြန်ထည့်တယ်တဲ့....
အော်...တော်တော်လည်း.... အလုပ်ရှားတဲ့..လောက..... ဘွဲ့ရ... တခြားပညာတွေစုံအောင် တတ်ထားပေမယ့်လည်း.. အလုပ်တခုရဖို့ အသိရှိမှ ဖြစ်မယ်တဲ့လား........
No comments:
Post a Comment